(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.225. అధ్యాయః 225
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
పార్వత్యా పరమేశ్వరంప్రతి ప్రాణినాం శుభాశుభఫలయోర్మధ్యే కస్య పూర్వోపభోగ ఇతి ప్రశ్నః॥ 1 ॥ పరమేశ్వరేణ తాంప్రతి సదృష్టాంతప్రదర్శనం తయోర్యౌగపద్యేనోపభోగకథనం॥ 2 ॥ తథా పూర్వకర్మణామల్పాయుష్ట్వాదికారణత్వాభిధానం॥ 3 ॥
Mahabharata - Anushaasana Parva - Chapter Text

ఉమోవాచ।

భగవన్భగనేత్రఘ్న మానుషాణాం విచేష్టితం।
సర్వమాత్మకృతం చేతి శ్రుతం మే భగవన్మతం॥ 13-225-1(90233)
లోకే గ్రహకృతం సర్వం మత్వా కర్మ శుభాశుభం।
తదేవ గ్రహనక్షత్రం ప్రాయశః పర్యుపాసతే।
ఏష మే సంశయో దేవ తం మే త్వం ఛేత్తుమర్హసి॥ 13-225-2(90234)
మహేశ్వర ఉవాచ। 13-225-3x(7583)
స్థానే సంశయితం దేవి శృణు తత్వవినిశ్చయం॥ 13-225-3(90235)
నక్షత్రాణి గ్రహాశ్చైవ శుభాశుభనివేదకాః।
మానవానాం మహాభాగే న తు కర్మకరాః స్వయం॥ 13-225-4(90236)
ప్రజానాం తు హితార్థాయ శుభాశుభవిధిం ప్రతి।
అనాగతమతిక్రాంతం జ్యోతిశ్చక్రేణ బోధ్యతే॥ 13-225-5(90237)
కింతు తత్ర శుభం కర్మ సుగ్రహైస్తు నివేద్యతే।
దుష్కృతస్యాశుభైరేవ సమావాయో భవేదితి॥ 13-225-6(90238)
తస్మాత్తు గ్రహవైషంయే విషమం కురుతే జనః।
గ్రహసాంయే శుభం కుర్యాజ్జ్ఞాత్వాఽఽత్మానం తథా కృతం॥ 13-225-7(90239)
కేవలం గ్రహనక్షత్రం న కరోతి శుభాశుభం।
సర్వమాత్మకృతం కర్మ లోకవాదో గ్రహా ఇతి॥ 13-225-8(90240)
పృథగ్గ్రహాః పృథక్కర్తా కర్తా స్వం భుంజతే ఫలం।
ఇతి తే కథితం సర్వం విశంకాం జహి శోభనే॥ 13-225-9(90241)
ఉమోవాచ। 13-225-10x(7584)
భగవన్వివిధం కర్మ కృత్వా జంతుః శుభాశుభం।
కిం తయోః పూర్వకతరం భుంక్తే జన్మాంతరే పునః।
ఏష మే సంశయో దేవ తం మే త్వం ఛేత్తుమర్హసి॥ 13-225-10(90242)
మహేశ్వర ఉవాచ। 13-225-11x(7585)
స్థానే సంశయితం దేవి తత్తే వక్ష్యామి తత్వతః॥
అశుభం పూర్వమిత్యాహురపరే శుభమిత్యపి। 13-225-11(90243)
మిథ్యా తదుభయం ప్రోక్తం కేవలం తద్బ్రవీమి తే॥ 13-225-12(90244)
మానుషే తు పదే కర్మ యుగపద్భుజ్యతే సదా।
యథాకృతం యథాయోగముభయం భుజ్యతే క్రమాత్॥ 13-225-13(90245)
భుంజానాశ్చాపి దృశ్యంతే క్రమశో భువి మానవాః।
ఋద్ధిం హానిం సుఖం దుఃఖం తత్సర్వముభయం భయం॥ 13-225-14(90246)
దుఃఖాన్యనుభవంత్యాఢ్యా దరిద్రాశ్చ సుఖాని చ।
యౌగపద్యాద్ధి భుంజానా దృశ్యంతే లోకసాక్షికం॥ 13-225-15(90247)
నరకే స్వర్గలోకే చ న తథా సంస్థితిః ప్రియే।
నిత్యం దుఃఖం హి నరకే స్వర్గే నిత్యం సుఖం తథా॥ 13-225-16(90248)
శుభాశుభానామాధిక్యం కర్మణాం తత్ర సేవ్యతే।
నిరంతరం సుఖం దుఃఖం స్వర్గే చ నరకే భవేత్॥ 13-225-17(90249)
తత్రాపి సుమహద్భుక్త్వా పూర్వమల్పం పునః శుభే।
ఏతత్తే సర్వమాఖ్యాతం కిం భూయః శ్రోతుమిచ్ఛసి॥ 13-225-18(90250)
ఉమోవాచ। 13-225-19x(7586)
భగవన్ప్రాణినో లోకే ంరియంతే కేన హేతునా।
జాతాజాతా న తిష్ఠంతి తన్మే శంసితుమర్హసి॥ 13-225-19(90251)
మహేశ్వర ఉవాచ। 13-225-20x(7587)
తదహం తే ప్రవక్ష్యామి శృణు సత్యం సమాహితా।
ఆత్మా కర్మక్షయాద్దేహం యథా ముంచతి తచ్ఛృణు॥ 13-225-20(90252)
శరీరాత్మసమాహారో జంతురిత్యభిధీయతే।
తత్రాత్మానం నిత్యమాహురనిత్యం క్షేత్రిముచ్యతే॥ 13-225-21(90253)
ఏవం కాలేన సంక్రాంతం శరీరం జర్ఝరీకృతం।
అకర్మయోగ్యం సంశీర్ణం త్యక్త్వా దేహీ తతో వ్రజేత్॥ 13-225-22(90254)
నిత్యస్యానిత్యసంత్యాగాల్లోకే తన్మరణం విదుః।
కాలం నాతిక్రమేరన్హి సదేవాసురమానవాః॥ 13-225-23(90255)
యథాఽఽకాశే న తిష్ఠేత ద్రవ్యం కించిదచేతనం।
తథా ధావతి కాలోఽయం క్షణం కించిన్న తిష్ఠతి॥ 13-225-24(90256)
స పునర్జాయతేఽన్యత్ర శరీరం నవమావిశన్।
ఏవంలోకగతిర్నిత్యమాదిప్రభృతి వర్తతే॥ 13-225-25(90257)
ఉమోవాచ। 13-225-26x(7588)
భగవన్ప్రాణినో బాలా దృశ్యంతే మరణం గతాః।
అతివృద్ధాశ్చ జీవంతో దృశ్యంతే చిరజీవినః॥ 13-225-26(90258)
కేవలం కాలమరణం న ప్రమాణం మహేశ్వర।
తస్మాన్మే సంశయ బ్రూహి ప్రాణినాం జీవకారణం॥ 13-225-27(90259)
మహేశ్వర ఉవాచ। 13-225-28x(7589)
శృణు తత్కారణం దేవి నిర్ణయస్త్వేక ఏవ సః।
జీర్ణత్వమాత్రం కురుతే కాలో దేహం న పాతయేత్॥ 13-225-28(90260)
జీర్ణే కర్మణి సంఘాతః స్వయమేవ విశీర్యతే।
పూర్వకర్మప్రమాణేన జీవితం మృత్యురేవ వా॥ 13-225-29(90261)
యావత్పూర్వకృతం కర్మ తావజ్జీవతి మానవః।
తత్ర కర్మవశాద్బాలా ంరియంతే కాలసంక్షయాత్॥ 13-225-30(90262)
చిరం జీవంతి వృద్ధాశ్చ తథా కర్మప్రమాణతః।
ఇతి తే కథితం దేవి నిర్విశంకా భవ ప్రియే॥ 13-225-31(90263)
ఉమోవాచ। 13-225-32x(7590)
భగవన్కేన వృత్తేన భవంతి చిరజీవినః।
అల్పాయుషో నరాః కేన తన్మే శంసితుమర్హసి॥ 13-225-32(90264)
మహేశ్వర ఉవాచ। 13-225-33x(7591)
శృణు తత్సర్వమఖిలం గుహ్యం పథ్యతరం నృణాం।
యేన వృత్తేన సంపన్నా భవంతి చిరజీవినః॥ 13-225-33(90265)
అహింసా సత్యవచనమక్రోధః క్షీంతిరార్జవం।
గురూణాం నిత్యశుశ్రూషా వృద్ధానామపి పూజనం॥ 13-225-34(90266)
శౌచాదకార్యసంత్యాగాత్సదా పథ్యస్య భోజనం।
ఏవమాదిగుణం వృత్తం నరాణాం దీర్ఘజీవినాం॥ 13-225-35(90267)
తపసా బ్రహ్మచర్యేణ రసాయననిషేవణాత్।
ఉదగ్రసత్త్వా బలినో భవంతి చిరజీవినః।
స్వర్గే వా మానుషే వాఽపి చిరం తిష్ఠంతి ధార్మికాః 13-225-36(90268)
అపరే పాపకర్మాణః ప్రాయశోఽనృతవాదినః।
హింసాప్రియా గురుద్విష్టా నిష్క్రియాః శౌచవర్జితాః॥ 13-225-37(90269)
నాస్తికా ఘోరకర్మాణః సతతం మాంసపానపాః।
పాపాచారా గురుద్విష్టాః కోపనాః కలహప్రియాః॥ 13-225-38(90270)
ఏవమేవాశుభాచారాస్తిష్ఠంతి నరకే చిరం।
తిర్యగ్యోనౌ తథాఽత్యంతమల్పాస్తిష్ఠంతి మానవాః।
తస్మాదల్పాయుషో మర్త్యాస్తాదృశాః సంభవంతి తే॥ 13-225-39(90271)
అగంయదేశగమనాదపథ్యానాం చ భోజనాత్।
ఆయుఃక్షయో భవేన్నౄణామాయుఃక్షయకరా హి తే॥ 13-225-40(90272)
భవంత్యల్పాయుషస్తైస్తైరన్యథా చిరజీవినః।
ఏతత్తే కథితం సర్వం భూయః శ్రోతుం కిమిచ్ఛసి॥ ॥ 13-225-41(90273)

ఇతి శ్రీమన్మహాభారతే అనుశాసనపర్వణి దానధర్మపర్వణి పంచవిఁశత్యధికద్విశతతమోఽధ్యాయః॥ 225 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.